 |
| ಚಿತ್ರಕೃಪೆ:ಅಂತರ್‌ಜಾಲ |
(ಡಾ.ರಾಜಕುಮಾರ ಅವರ ನೆನಪಿನಲ್ಲಿ)
ಮುತ್ತು ಕಳೆದು ಹೋಯಿತೊಂದು
ಮುತ್ತು ಮಾಣಿಕದಂಥ ಮುತ್ತು || ಪ ||
ಹೊತ್ತು ಹೋಗದ ಮುನ್ನ ತಾನು
ಎತ್ತ ಹೋಯಿತೇನೋ ಮುತ್ತು
ಚಿತ್ತ ಚಂಚಲ ಮಾಡಿದಂಥ || ಮುತ್ತು ||
ಹತ್ತು ಹಲವು ಬಣ್ಣಗಳನು
ಇತ್ತು ಎಲ್ಲರ ಹೃದಯಗಳಲಿ,
ಕಿತ್ತು ಕಳೆಕಸ ಗುಡಿಸಿದಂಥ || ಮುತ್ತು ||
 |
| ಚಿತ್ರಕೃಪೆ:ಅಂತರ್‌ಜಾಲ |
ನಿತ್ಯ ಕಾಯಕಯೋಗಿಯಾಗಿ
ಸತ್ಯ ಶರಣರ ಹಾದಿಯೊಳಗೆ
ಮಿಥ್ಯ ಮನದಿಂ ದೂಡಿದಂಥ || ಮುತ್ತು ||
ನೆತ್ತಿ ಮೇಲಿನ ಸೂರ್ಯನಂತೆ
ಭಕ್ತಿಯಿಂದಭಿಮಾನಿಗಳಿಗೆ
ದೀಪ್ತಿಯಾಗಿ ಬೆಳಗಿದಂಥ || ಮುತ್ತು ||
ಸುತ್ತು ಕನ್ನಡ ನಾಡಿನೊಳಗೆ
ಗತ್ತು ಗಾಂಭೀರ್ಯ ವಿನಯದಿಂದಲಿ
ಮತ್ತೆ ಮತ್ತೆ ಮಿನುಗಿದಂಥ || ಮುತ್ತು ||
ಕತ್ತು ಹೊರಳಿಸಿದೆಡೆಯಲೆಲ್ಲ
ವಸ್ತುಸ್ಥಿತಿಯಲಿ ಲೀನವಾದ
ಮುತ್ತುರಾಜನೆನಿಸಿದಂಥ || ಮುತ್ತು||
- ಡಾ.ರಾಜಶೇಖರ ಚಂ.ಡೊಂಬರಮತ್ತೂರ
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ